اوورسیز پاکستانیز اوورسیز پاکستانیز

سعودیہ ، امارات، ملائیشیااور عراق سے 24گھنٹے میں 63پاکستانی بے دخل

ہفتہ 13 جون 2026ء

---

کراچی(سٹاف رپورٹر) سعودی عرب اور یو اے ای سمیت 4 ممالک سے گزشتہ 24 گھنٹے کے دوران 63 پاکستانیوں کو بے دخل کیا ہے جس سے بہت سے سوالات نے جنم لیا ہے ۔ ایئرپورٹ حکام کے مطابق سعودی عرب، یو اے ای، ملائیشیا اور عراق سے 24 گھنٹوں میں تریسٹھ  پاکستانیوں کوڈی پورٹ کرنے کے بعد کراچی پہنچا دیا گیا ہے ۔ دلچسپ امر یہ ہے کہ واپس آنے والے پاکستانیوں کو بغیر کسی قانونی کارروائی کے گھروں میں جانے کی اجازت دے دی گئی جبکہ ان سے تحقیقات کی جانی چائیے تھیں ۔

سعودی عرب سے بلیک لسٹ ہونے پر 4 بھکاری واپس بھیجے گئے ۔ ویزے کی مدت ختم ہونے کے باوجود سعودی عرب میں رہائش رکھنے والے پندرہ شہریوں کو بھی واپس بھیجا گیا ہے ۔ دوسری جانب ممنوعہ تارکین وطن کی کیٹیگری میں آنے پر ملائیشیا سے 16پاکستانیوں کو نکالا گیا ہے ۔ اسی طرح غیر قانوی داخلے پر عراق نے 11پاکستانیوں کو سرخ جھنڈی دکھاتے ہوئے اپنے ملک سے نکال دیا۔ رپورٹ کے مطابق چوبیس گھنٹےمیں متحدہ عرب امارات سے بے دخل ہونے والے پاکستانیوں کی تعداد چار رہی ۔